Poderían os Estados Unidos realizar un ataque terrestre contra Irán? Poderían facelo "outras persoas"? Esta é a resposta de Trump

O presidente dos Estados Unidos, Donald Trump, alén de non descartar unha agresión por terra contra o Irán e, especialmente, contra a illa petroleira de Kharg, tampouco descarta que esta operación a fagan "outras persoas" no canto de Washington. Mentres, a división medra nos Estados Unidos ante o cada vez máis custoso conflito en Oriente Medio. Segundo novas estimacións, o custo total do conflito contra o Irán podería superar xa os 100.000 millóns de dólares.