Durante a concentración que terá lugar na Praza de España, realizaranse diversas accións participativas e simbólicas:
- Mural colaborativo, aberto a toda a cidadanía, para expresar pensamentos, emocións e mensaxes arredor da saúde mental.
- Reparto de globos como símbolo de apoio á causa.
- Photocall para compartir e difundir o compromiso colectivo coa saúde mental.
- Lectura de manifesto en defensa dos dereitos das persoas con problemas de saúde mental, baixo o lema “A túa Mente Importa”.
Desde a Asociación fan un chamamento á participación dos axentes políticos e institucionais da comarca, como mostra do apoio necesario para avanzar cara a unha sociedade máis consciente, xusta e comprometida coa saúde mental.
O artigo Albores celebra este 10 de outubro o Día Mundial da Saúde Mental publicouse primeiro en Xornal de Lemos.
